Matapos dumalo sa gender reveal paty ng kanyang magiging unang apo sa anak na si Luis Manzano at manugang na si Jessy Mendiola nitong nagdaang Agosto, handang-handa na ang celebrity grandmom na si Momsy Vilma Santos-Recto na salubungin, mahalin at ‘spoilin’ ang soon-to-be-born niyang apo na si Peanut.
Sa dalawang vlog ay ibinahagi ni Momsy Vi ang kanyang excitement sa kanyang panibagong status in life bilang lola.
“As a first time lola, super excited talaga ako sa paglabas ng aming baby Peanut soon! <3 Siyempre marami akong tanong sa parents ng aming baby, and they have questions for me also. 🙂 Gaano ko kaya kadalas mahihiram si baby Peanut?”
Sa unang vlog ay ginawa nila ang talakayan kaugnay sa pagiging first time lola ng tinaguriang ‘Star For All Seasons’.
Super excited na ibinahagi ng ina ni Luis ang mga narinig niyang kuwento ng kaligayahan mula sa ibang nauna nang nagkaapo at inaming wala siyang masasagot hangga’t hindi pa dumaating si Peanut. Ngunit inamin niya na labis na tuwa ang nadama niya noong gender reveal pagkat pinangarap niya na babae sana ang kanyang maging unang apo.
Nasasabik umano siyang mamili ng mga gamit na pambatang babae. Dalawang lalaki kasi ang kanyang naging anak kaya’t hindi pa niya naranasan ang mag-aruga ng babae.
Sa ikalawang vlog ay nagkaroon din sila ng palitan ng kuwento at mga ideya at dito naman ibinigay ng Momsy Vi ang mga regalo para sa kanyang apo.
Hindi na niya mahintay ang baby shower na bandang mid-October planong gawin ng mag-asawa. May pauna nang espesyal na regalo ang lola para sa apo!
“This is for you Peanut!” aniya at ipinaliwanag sa mag-asawa ang mga detalye kaugnay sa kanyang regalo.
“Ito na ngayon ‘yung pinaka-latest kasi talagang pina-check ko if it is safe. But sabi nila this is the best now especially with the klase ng environment that we have. This is going to be very good for the baby,” masayang kuwento ni Momsy Vi. “It’s UV na. ‘Yung mga pang steam, it’s already UV na for the baby.”
Labis ang appreciation nina Jessy at Luis. Hindi pa man raw lumalabas ang kanilang anak ay spoiled na agad ito.
May magandang payo naman ang Momskie nila at Lola ni Peanut para sa nalalapit nilang pagiging magulang.
“Ako kasi as momsy V, I am so excited and continuously praying for Peanut to be okay. S’yempre, para naman sa inyo. it’s going to be the next chapter in your life. I am not saying it’s going to be very smooth pero still the most important thing is lagi kayong mag-iisip as one,” aniya.
Dagdag pa nito, “Kasi wala na kayong choice. Mag-partner na kayo ‘di ba. Meron kayong dadaanang challenges. May time na mag-aaway kayo. May time pag-aawayan n’yo rin si Peanut, sa totoo lang. But ang pinakaimportante, as long as respect and love is there, anak, tandaan n’yo the most important unit in our society is family.”
Basahin: It’s a girl! Jessy, Luis masayang ibinahagi ang gender reveal ni baby Peanut
“Lahat ng inspirasyon, strength, encouragement manggagaling sa pamilya. Kung gusto n’yo magkaroon ng magandang future ang anak n’yo, bumuo rin kayo ng maganda at maayos na foundation for your children,” ayon pa kay Momsy Vilma.
Samantala, panoorin ang dalawang vlog na kapupulutan ng aral at naghahatid ng labis na good vibes. Iba talaga ang chemistry ng mag-inang Vilma at Luis. Riot sa saya! So much love between them.