Tinatayang umabot sa 75,000 ang taong dumalo sa katatapos lamang na ‘Huling El Bimbo’ concert ng Eraserheads na ginanap sa SMDC Festival Grounds noong Disyembre 22, ayon sa kanilang promoters.
Hindi lamang mga ordinaryong fans ang talagang hindi pinalampas ang pinakaabangang reunion concert ng 90s iconic Pinoy band kung hindi maging ang mga celebrities na kinalakhan ang mga kanta ng Eheads.
Kaya naman malaki ang pasasalamat ni Ely Buendia, ang frontman ng banda, sa kanilang loyal na mga tagasuporta na bumili ng kanilang tiket at nakisabay sa kanilang mga awit nang gabing iyon.
Sa isang Instagram post nitong Martes, Disyembre 27, ipinaabot ni Ely ang kaniyang pasasalamat sa kanila. Aniya, “Thank you for coming on such short notice. You made history!”
Samantala, nagbahagi rin si Ely ng isang madamdaming post tungkol naman sa ‘healing’ at pag-asang muling mabuo ang kanilang pagkakaibigan.
“After graduation, the real lessons begin. Tough ones. Happy ones. Baffling ones. The best thing you can hope for is to somehow be able to grasp them in a short amount of time. The band and the whole team behind this show are still trying to grasp the last three months leading up to the finals. Sometimes it feels like there are more questions than answers. But fear not, this isn’t doubt. This is certainty,” wika niya.
“As for me, I now see that sometimes, healing can only begin within one’s self. You have to really want it, and most of the time, willing to work for it. Sometimes you have to be willing to risk everything. And if you are, who knows? Maybe you might get lucky and you can leave this place a little better when you found it,” dagdag pa ni Ely.
Minsan ay nabanggit na rin ng bokalista ng Eheads sa isang podcast na hindi naman talaga sila magkakaibigan o malapit sa isa’t-isa nina Raymund Marasigan, Buddy Zabala at Marcus Adoro.
Ito rin umano ang isa sa mga dahilan kung bakit sila naghiwa-hiwalay noong 2002.
Umabot ng halos dalawang dekada bago muling nagpasya ang banda na magsama-sama sa iisang entablado at pasayahin ang kanilang fans.
Inamin rin ng Eraserheads na ang kanilang reunion concert ay ang pinakahuling pagsasama-sama nilang apat.
Gayunpaman, tila malabo yata itong mangyari dahil sa isang post ni Ely ay may teaser ito hinggil sa posibleng ‘world tour’ sa susunod na taon.
“World Tour 2023 Coming Soon,” ayon sa naturang post na may kasamang logo na baliktad na ‘E’.
Dahil dito, mukhang may pakaaabangan na naman ang Eheads fans sa kanilang pagbabalik-entablado ng kanilang idolong banda.