“Nawala’, ‘nagbalik na’ – ganyan inilarawan ng netizens ang pangyayari sa mga social media accounts ng 25-anyos na aktres na si Liza Soberano nang ma-‘wipe out’ ang lahat ng kanyang contents sa photo-sharing app na Instagram at maging sa kanyang YouTube channel.
Maraming nagalit sa pag-aakalang na-hack ang accounts ng magandang dalaga at mayroon din namang nag-alala na baka may mabigat itong pinagdadaanan o kaya’y may ‘falling out’ na nagaganap sa kanila ng long-time boyfriend niyang si Enrique Gil; ang other half ng LizQuen.
Gayunman, dahil wala namang pahayag na inilalabas ang kampo ng aktres kung ano nga ba ang tunay na nangyari sa mga account nito, naisantabi ang espekulasyon na nabiktima siya ng hackers.
Ito’y matapos sumulpot ang isang IG Story at IG post sa nabakanteng account ng aktres. Na-recover na kasi? O sadyang ‘nilinis’ lang ng management team ni Liza ang account nito para sa pagsisimula ng bagong yugto sa career nito? Suspense!
May pahayag naman kaugnay dito ang King of Talk na si Boy Abunda; kasabay ng kumpirmasyon na walang nangyaring hacking incidents.
Basahin: She’s back! Liza Soberano nagbabalik sa Instagram; a ‘new beginning?’
Sa isang episode ng Fast Talk with Boy Abunda, sinabi nito na ang pangyayari ay nagpapahiwatig ng ‘new beginnings’ sa karerang tinatahak ni Liza sa ibang bansa.
Aniya, “A couple days ago, nabigla, nabigla, nagulantang ang social media universe dahil with 17.6 million followers (IG) and 1.55 million followers on YouTube, natanggal lahat ang content sa social media platforms ni Liza Soberano.”
Pagpapatuloy niya, “So there were a lot of speculations, mga hula-hula, na na-hack, basta maraming mga opinyon. I will confirm, hindi po na-hack. Hindi po na-hack ang social media accounts ni Liza.”
“Let me speak as a manager, not as a host. I would guess because I still have to discuss with people in the know. I would guess that Liza is taking on ibang direksyon po. I don’t wanna say reinvention,” paglilinaw niya. “That has to be discussed.”
“Parang bagong direksyon sa kanyang karera and what is the best way to communicate your new direction, figure public than your social media platform. So tinanggal ito lahat at babaguhin ang mukha ng social media. So this is a rebrand if we have to call it.”
Naglabas din ng sariling saloobin ang TV host kaugnay sa ginawang pagbabago sa social media accounts ni Liza kung saan buong tapang nitong binura ang lahat ng content na bumiling din ng maraming taon. Isangmabigat na desisyon nga naman ito.
“This is a rebrand but nais kong purihin kung sino man ang may kagagawan nito because it is brave and it is exciting for Liza Soberano who happens to be one of the most beautiful girls in the world…. and I know her personally, she’s smart. Parang si Quen, parang si Enrique Gil. Both are good-looking and very smart people. So it is not hacking, it is rebranding.”
Panoorin: